BERLIN, ALEMANIA, AFP.- Un outo a dal un grupo di peaton djárason mainta den sentro di Berlin, matando un persona i ocho herido mas, segun indikashon di bomberonan na AFP.
E vehíkulo a dal den vitrina di un tienda den un vários komersial situá serka di e stashon di trein Zoo. E shofùr a purba hui pero el a wòrdu interseptá pa peatonnan i despues detené pa polis. Segun indikashon di un bosero di polis. E no a spesifiká si ta trata di un akto intenshonal òf si e hòmber a pèrdè kontrol di e outo. Ta trata di un armenio- germano di 29 aña.
E insidente a tuma lugá serka di iglesia Memorial, un monumento emblemátiko di e zona oksidental di e kapital aleman, situá den un di e zonanan komersial di mas transitá na Berlin, Kurfurstendamm.
Alrededor di 130 polis i bombero a wòrdu desplegá na e sitio, no leu di kaminda un atake terorista a tuma lugá riba 19 desèmber 2016, kaminda un hòmber a dal den un multitut i mata 12 persona.
