BAGHDAD, IRAK, AFP.- Un britániko di 66 aña a wòrdu deklará kulpabel ku trafikashon di antigwedat di Irak i kondena na 15 aña di prizòn pa un korte di Baghdad, kende a apsolvé un otro akusado, un aleman di 60 aña.
James Fitton, un britániko penshonado i Volker Waldmann, sikólogo di Berlin, a wòrdu detené riba 20 di mart na aeropuerto di Baghdad ku piedranan i serámika den nan ekipahe.
Fitton i Waldmann tabata na Irak den un biahe organisá i no tabata konosé otro anteriormente.
Hues a determiná den su veredikto ku Fiton tabata “konsiente” ku e sitio kaminda el a kue e fragmentonan tabata un “sitio arkeológiko” i ku ta “ilegal” pa bai ku esakinan i p’esei ta trata di un “intenshon kriminal”, algu ku su abogado a ninga. E abogado a indiká ku lo apelá.
Korte no a haña “sufisiente prueba” pa kondena e aleman Volker Waldmann.
