NEW YORK, AP.- Ted Sarandos, direktor di kontenido di Netflix, a bisa djárason ku e gigante di streaming a difísil pa retirá su pelíkulanan di Festival di Cine di Cannes, intensifikando su disputa entre Netflix i e festival di sine mas prestigioso di mundu.
Cannes a prohibí ku pelíkulanan sin distribushon sinematográfiko na Fransia ta kompetí pa e Palma di Oro, su premio máksimo. Esaki ta laga produkshonnan di Netflix ku ta sea estrená riba e plataforma i algun sala di sine, òf simplemente direkto riba Netflix afó. Na Fransia, pelíkulanan no por wòrdu lansá riba plataformanan di entretenimentu na kas te ku 36 luna despues di su estreno di sine.
Esaki ainda ta permití Netflix pa presentá su pelíkulanan pafó di e kompetensia di Cannes. Pero den un entrevista ku Variety publiká djárason, Sarandos a bisa ku e no kier manda estrenonan di Netflix si nan no wòrdu tratá di mesun forma ku otro pelíkulanan.
Representantenan di Cannes no a rospondé mesora na mensahenan buskando komentario.
