MANAGUA, NICARAGUA, AFP.- Nicaragua a kuminsá ku vakunashon di muhénan na estado ku yudansa di Honduras, kual a fasilitá 100.000 dósis di Pfizer kontra COVID-19 segun informashon di gobièrnu.
“Nos ta kumpliendo ku vakunashon” di e muhénan aki “ku e fiansa solidario di Honduras”, segun indikashon di visepresidente Rosario Murillo na medionan ofisial.
Outoridat di salubridat ta kalkulá ku tin 140.000 muhé na estado ku lo haña e vakuna boluntariamente.
Nicaragua lo mester a haña un entrega di vakunanan di Pfizer via Covax di Organisashon Mundial di Salubridat, pero esaki a wòrdu aplasá, segun indikashon di outoridatnan.
E direktor di Organisashon Panamerikano di Salubridat (OPS), Carissa Etienne, a rekonosé e retrasonan aki pero ku ta hasiendo tur kos posibel pa entregá e vakunanan otro siman na Nicaragua.
Nicaragua ta realisando un kampaña di vakunashon desde mart ku vakunanan di AstraZeneca, Covishield, i Sputnik V di Rusia, pero segun OPS e ta entre e seis paisnan den e kontinente ku kobertura mas abou di vakunashon.
