NASHON UNI, AP.- Norkorea a akusá Merka komo “un pais mafioso” pa konfiská un di su barkunan di karga i a pidi e sekretario general di Nashon Uní (ONU) pa tuma “medidanan urgente” pa kontribuí na stabilisashon di e situashon den e península di Korea.
E embahador di Norkorea, Kim Song a skibi un karta indikando ku presidente Donald Trump a kometé un “akto ilegal i indignante” dor ku a konfiská e barku Wise Honest i transport’é pa Samoa Merikano. El a agregá ku e konfiskashon ta violá e leinan internashonal i Karta di ONU.
Kim a organisá un konferensia di prensa na sede di e organismo multinashonal pa kritiká ku a konfiská e barkunan. Merka a informá riba 9 di mei ku a konfiská e barku dor ku e tabatin karbon, kual ta violá e sanshonnan imponé pa ONU.
