PHILADELPHIA, AP.- Algun ora di testimonio, urgensia i persuashon a hiba na esaki. Awor ta turno di Hillary Clinton.
E eks promé dama, senador i sekretaria di Estado lo sali di e sombra di presidentenan hòmber pa konvensé e merikanonan ku e ta e mihó opshon pa guia Merka, un pais ku ta buskando un era nobo di liderazgo.
Presidente Barack Obama, a indiká ku Clinton ta heredera di su legasia djárason anochi desde esenario di Konvenshon Nashonal Demókrata. Durante un diskurso enérgiko di respaldo, el a indiká ku e kandidato por hasi e “gran promesa di e nashon aki” realidat.
“E tabata akinan pa nos, asta ounke si nos no a tuma nota di esaki”, segun Obama a bisa, implorando e pais pa skohe e muhé ku el a derotá den primaria ocho aña pasá.
Rekordando e frase mas famoso di e kampaña, Obama a bisa “Si boso ta serio tokante nos demokrasia, no ta pèrmisibel pa boso keda den kas simplemente pasò bo no ta di akuerdo ku tur tema. Drenta den e bataya kuné, pasó demokrasia no ta un deporte pa espektadornan. Den Merka no ta trata di “Si, e lo hasié”, ta trata di “Si, no por”.
E terser dia di e konvenshon tabata un muestra di diversidat ku e demókratanan a purba resaltá durante henter siman” un hòmber koló skur dunando un batuta simbóliko na un muhé.
Esaki a koroná un kantidat di diskurso den último 71 ora ku mester a presentá e republikanonan komo konservadornan leu di realidat sosial i liderá pa un persona sin eskrúpulo.
