LOVELOCK, NEVADA, MERKA, AP.- O.J. Simpson lo Sali den libertat kondishonal òktober, despues di tabata den prizòn durante shete aña pa un intento di robo ku a frakasá.
Simpson, di 70 aña, a rospondé na e desishon bisando “danki, danki, danki” ku hopi emoshon.
Simpson, kende tabata strea di televishon i sine, a wòrdu enkarselá pa robo i agreshon armá.
Kuater miembro di e hunta penitensiario a interogá Simpson desde Carson City, via video, miéntras e tabata den Sentro Penitensiario Lovelock. E ta detené einan desde ku el a wòrdu sentensiá na aña 2008.
Na 1995, Simpson, a wòrdu eksonerá di akusashonnan ku el a mata su eks kasa i un amigu di e eks kasa na Los Angeles.
