WILLEMSTAD – Awe den oranan tempran di mainta Tim di Aresto huntu ku Kuerpo speshal di Joyriding a monta un operashon grandi den otro. Durante e entrada hudisial aki a logra hasi dos detenshon den Kaya Lando den Koraalspecht. Den e operashon aki tabatin tambe presente Wes Komisario, Fiskal i Griffier pa tuma nota di lokual tabata tumando lugá. Mester risibí e relato ofisial di polis pero tur kos ta mustra ku investigashon a duna fruta relashoná ku e kantidat di kasonan alarmamentu último dianan di ladronisia di outo i piesa di outo. E dos personanan ku a keda arestá ta un dama i un hende hòmber. Reshèrshi nan a bin ku Tim Forensiko na e kas i a konfiská algun kos di balor bai kuné. Manera a indiká e kaso aki ta relashoná ku ladronisia di outo i ku e tim investigativo ta hibando. Pa e motibu ei a bin e kas aki den Koraalpsecht. Durante búskeda a haña vários prueba ku ta di sumo importansia pa e investigashon entre otro piesa di outo, paña, slòf ku a keda kapta riba kámara na momentu di e robo. A bai warda ku tur kos i a konfiská un Kia Rio tambe ku tabata para den kura di e kas ku ‘Te Koop’ riba dje. Asta a logra konfiská dos planchi di mata di mariwana. No ta deskartá mas detenshon den e kaso aki.
+++Den oranan di merdia polis a duna di konosé ku relashoná ku un kaso di ladronisia di outo ku a tuma lugá dia 28 di mei 2023 den área di Saliña, awe mainta e tim ku ta investigá ladronisia di vehíkulo a realisá dos detenshon. Alrededor di 05.00’or, huntu ku tim di aresto e reshèrshinan a hasi detenshon di e hòmber J.E.L.V. di 44 aña di edat i e dama S.M.T.E. di 39 aña di edat, ámbos nase na Kòrsou. Detenshon di e dos sospechosonan aki a tuma lugá na un kas den Kaya Lando. Despues a tene un entrada hudisial na e mesun adrès aki i a konfiská artikulonan ku ta di importansia pa e investigashon. A presentá e duo dilanti di un fiskal ouksiliar, ku a ordená su enkarselamentu pendiente di mas investigashon.+++
 i muhé (39) pa kaso di ladronisia di outo){kind=link}