VENEZUELA, AP.- Míles di opositor a marcha ayera den Caracas pa manifestá nan rechaso na e suspenshon di e proseso ku ta aktivá e referèndem pa kibra ku mandato di presidente Nicolás Maduro.
E konfrontashon polítiko den e pais a eskalá for di djamars despues ku asamblea a vota na fabor di kuminsá un huisio polítiko kontra presidente pa supuesto violashon di órden konstitushonal.
Sinembargo ta masha poko probabel ku e votashon di djamars lo tin konsekuensia legal; ounke e ta keda dominá pa oposishon, Maduro ta sigui den kòntròl di otro ramonan di gobièrnu, manera forsanan arma i tribunal supremo, ya ku a deklará asamblea general komo ilegítimo.
E gritu “demokrasia si, diktadura no” e manifestantenan a reuní riba un kaya di e kapital pa eksihí e restitushon di konstitushon i e realisashon di referèndem.
“Mi ta aki pasobra mi ke pa mi nietunan tin un mihó futuro, ku nos por saka afó un presidente ku ta violá konstitushon i ku a kita nos derechi di skohe”, asina Josefa Machado un ama di kas di 64 aña a bisa.
E ofisialistanan tambe a reuní i a realisá un konsentrashon chikí den sentro di siudat serka di palasio di gobièrnu.
Tabatin otro intentonan pa marcha te e organisashon públiko den sentro di Caracas pero nan a keda detené pa agentenan di seguridat di estado.
Den otro kapitalnan estatal a registrá konfrontashon entre opos i tornan i pol is antimotin, asina medionan di komunikashon a informá.
E konseho nashonal elektoral tambe kontrolá pa ofisialismo a suspendé e proseso di rekolekshon di e 4 mion di firma nesesario pa aktivá e referèndem bou di e argumento di tribunal penal a detektá froude den e kolekshon anterior. Sinembargo e konsulta aki ta ofresé un mihó kaminda pa solushoná e krísis polítiko i ekonómiko di manera pasífiko.
