OAXACA, MEXICO, AFP.- Tres persona morto i 8 disparsé ta e saldo ku e orkan Agatha a laga na momentu ku el a mishi ku tera komo kategoria 2 djaluna, den e estado mèksikano di Oaxaca, ounke ku ayera djamars el a baha te bira depreshon tropikal, asina gobièrnu a informá.
“Ora el a toka tera Agatha su kaminda a kaba sin pèrdida di bida humano, pero e áwaseru intenso ku a registrá durante di mardugá di djamars a generá ku riunan a basha over”, asina gobernadó di Oaxaca Alejandro Murat a bisa na prensa.
“Tin tres persona reportá morto i 8 pèrdí”, asina el a informá. E fenómeno a mishi ku tera komo orkan kategoria 2 den oranan di atardi di djaluna na Puerto Angel, un komunidat ma kosta di Oaxaca ku algun 2500 habitante.
