TALLAHASSEE, FLORIDA, MERKA, AP.- Orkan
Michael a kousa morto di por lo ménos 29 persona na Florida, segun informashon di outoridat djaluna. Esaki a suma e kantidat di víktimanan mortal na 39.
E bosero di Divishon di Maneho di Emergensia di Florida, Alberto Moscoso, a bisa ku e total di morto den e estado tabata 29. 10 morto a wòrdu reportá den otro entidatnan.
E aktualisashon mas resien na Florida ta agregá kuater morto mas den kondado di Bay, un zona na kosta sumamente afektá kaminda a reportá un total di 19 morto. Tabatin tres morto den kondado di Gulf, dos morto den kada un di e kondadonan di Gadsden i Jackson i kondadonan di Clay, Liberty i Calhoun a registrá un morto kada unu.
E tormento a asotá e kosta nortost di Florida ku bientu máksimo di 250 kilometer pa ora riba 10 di òktober i a afektá partinan di Georgia, Virginia i Carolina tambe.
