WILLEMSTAD – E barku di marina ulandes, Zr.Ms. Groningen ta riba un racha kayente ku konfiskashon di droga. Ayera EXTRA a relatá di e lote ku a keda konfiská riba laman pero awe a kanta un bingo mionario. Tabata den oranan di awe marduga ku Zr.Ms. Groningen despues di un persekushon riba laman a logra para un ‘Go-Fast’. Riba e boto aki tabatin vários tripulante i un kantidat enorme di bulto ku droga ku tur probabilidat kokaina. Un operashon ku a bai super lihé for di momentu ku a pasa e sospechosonan di e ‘Go-Fast’ pa e ‘Metal Shark’ di Wardakosta. E droganan a keda transporte ku e botonan lihé di marina pa Sentral na Parera. Despues di un ratu aki tantu e detenidonan i tur e bultonan di droga a keda hiba Sentral di Polis na Rio Canario pa polis i Tim di Aresto. Un parada di outo, trùk i bus a hiba tur kos Rio Canario. Mester kana e proseso di pisa e droga pa despues sigui mesora ku destrukshon di esaki, kimando e droga.
