QUITO, ECUADOR.- Un outo-bòm a eksplotá ayera nochi den un aria komersial na Ecuador, pero esaki no a kousa ningun kaso fatal, segun polis a duna di konosé. Esaki ta e último desaroyonan pa loke ta e ola di violensia ku e pais aki ta eksperensiando i ku tin di haber ku trafikashon di droga. E vehíkulo a eksplotá pa motibu ku a sende dos silender di gas, kompañá ku dinamit, esei di akuerdo ku un investigador di polis. Pero bomberonan a indiká ku e kandela a ser kontrolá i ku esaki no a afektá ningun hende. E bòm a ser plantia den un pikòp.
Algun ora despues di e insidente segun polis nan a detené seis hende, entre nan un kolombiano na algun kilometer for di e sitio dje eksploshon. E sospechosonan aki ta konosí pa kasonan di ekstorshon, atrako i asesinato.
