BOGOTÁ, AP.- Representantenan di diferente pais ku ta Integrá Tratado Interamerikano di Asistensia Resíproko (TIAR), a reuní na Bogotá djamars, pa aisla presidente venezolano Nicolas Maduro su aliadonan ku diferente aplikashon di sanshon ekonómiko.
“E krísis polítiko, ekonómiko i sosial den e Repúblika Bolivariano di Venezuela ta un menasa kontra mantenshon di pas i seguridat den e kontinente”, asina kansier kolombiano Claudia Blaus a bisa durante e reunion.
E 19 paisnan miembro a oumentá preshon ekonómiko i diplomátiko kontra Venezuela, i a primintí ku lo no invoká un klóusula di e tratado ku ta outorisá un intervenshon militar. Segun e akuerdo, tur partisipante mester konsiderá ku un menasa kontra kualkier pais ta un peliger pa tur pais.
E presidente kolombiano Ivan Duque a bisa ku Maduro ta ofresiendo refugio “safe” na fakshonnan rebelde di ELN i disidentenan di Forsa Arma Revolushonario di Colombia. E mandatario a rechasá e afirmashon aki. Duque a pidi e sanshonnan pa apliká sanshonnan mas fuerte.
