ISLAMABAD, PAKISTAN, AP.- Pakistan i India a bai di akuerdo ku un tregua a lo largo di su fronteranan den e region di Cachemira i ratifiká un akuerdo di tregua di 15 aña pasá.
Despues di vários luna di konfrontashon ku a laga desena di sòldat i sivilnan morto na ámbos banda, e situashon tabata kalmu djárason.
Djamars atardi, e generalnan lokal a yega na un akuerdo pa mitigá e tenshonnan na Cachemira, ku ta dividí entre zonanan di kontròl indio i pakistani. E dos paisnan, ámbos ku potensia nuklear, a bisa ku Cachemira ta pertenesé na nan i e disputa teritorial a provoká dos guera entre Pakistan i India desde ku su Independensia a wòrdu lográ na 1947.
Ambos parti a bai di akuerdo pa “tuma medidanan sinsero pa mehorá e situashon eksistente, sigurá pas i evitá difikultat na sivilnan a lo largo di e frontera”, asina ehérsito pakistani a bisa den un komunikado.
Den simannan resien, tenshonnan a oumentá debí ku tabatin tirunan kontra puestonan di kontròl na frontera i e pueblonan i a usa armanan outomátiko a lo largo di e frontera militarisá. Ambos a akusá mutuamente di kuminsá e hostilidatnan den violashon di e akuerdo di 2013.
