MOSCOW, RUSIA, AFP.- Rusia a registrá un record nobo den e kontaminashonnan diario dor di Coronavirus, kual a subi e kantidat total di infekshon na mas di 130.000 i a kombirtié den e pais kaminda e pandemia ta progresando rápidamente den Europa.
Outoridat di Moscow a pidi tur habitante pa keda den kas, apesar di e klima bunita i solo radiante. Segun sifra ofisial, outoridat a registrá 10.633 kaso nobo di COVID-19 den e último 24 oranan, subiendo e total na 134.687 víktima.
Rusia a kombertí den e pais ku mas infekshon. Sin embargo, e tasa di mortalidat ta sigui baha kompará ku otro paisnan manera Italia, Spaña i Merka.
Desde djasabra a registrá 58 morto mas, oumentando e kantidat total di morto na 1.280.
E pais ta preparando pa kuminsá ku un alivio gradual di medidanan di karentena, anunsiá e siman aki pa presidente Vladimir Putin, kende a rekonosé ku ainda e situashon ta “difísil”.
Moscow, e promé siudat kaminda e dekretá e karentena den mart kisas lo no benefisiá di e medida aki.
