VARSOVIA, AP.- E legislativo di Union Europeo a tuma medidanan kontra Polonia djárason pa loke ta trata e temor ku e gobièrnu ta atentá kontra independensia di poder hudisial i ta na punto di violá e balornan europeo fundamental.
Den un resolushon aprobá ku 438 voto kontra 152 ku 71 apstenshon, Parlamento Europeo a pone e promé etapa di e prosedimentu di estado kuminsá kana kontra e gobièrnu polako.
E prosedimentu por pone ku Polonia ta pèrdè su derechi di voto den UE.
E promé minister Beata Szydlo a bisa ku loke a pasa den Parlamento Europeo tabata un skandal”. E Ministerio di Eksterior a bisa ku e resolushon ta un “instrumento polítiko di preshon kontra Polonia”.
E Komishon di Libertat Sivil di legislashon mester elaborá un proposishon legal pa pidi aktivashon di e mekanismo den Artíkulo 7 debí na un “riesgo evidente di violashon grave” di balornan di UE.
E Komishon Europeo, ehekutivo di UE, a inisiá un prosedimentu propio kontra e gobièrnu derechista den Varsovia kontra temor ku e leinan nobo ta atentá kontra independensia hudisial i estado di derecho.
