COPENHAGEN, AP.- Un krusero aleman ku 1.200 persona na bordo ta ankra na sùit di Noruega, wardando pa dos pasahero hasi tèst pa coronavirus, segun informashon di outoridat djamars.
E kapitan di e barku a bisa e pueblo di Haugesund ku e dos pasaheronan di Aida Aura tabatin kontakto ku un otro persona ku a tèst positivo pa e enfermedat. E terser persona aki no ta riba e barku.
Aida Aura ta wòrdu manehá pa e empresa di krusero aleman AIDA Cruises.
Despues di bishita e boto, un dòkter di Haugesund a avisá ku ningun di e pasaheronan tin síntomanan di COVID-19.
E kosta noruego ta popular pa biahenan krusero debí na su panorama maravioso.
“Outoridat aleman a tuma kontakto ku e wéspetnan komo parti di un investigashon di rutina relashoná ku un individual su situashon médiko. Tur pasahero a wòrdu informá tokante esaki. Tur pasahero lo keda na bordo i lo no desembarká”, segun informashon di e empresa di e barku den un komunikado.