MEXICO, AP.- Dirigentenan di iglesia katóliko di México a pidi ayera rèspèt pa e bida di un pastor ku a keda sekuestrá di su kas na su parokia un dia despues ku dos otro pastor a keda asesiná.
E pastor Jose Alfredo Lopez Guillen a keda sekuestrá djaluna di su kas pastoral den e pueblo di Janamuato den e estado di Michoacan, asina outoridatnan a bisa.
El a keda sekuestrá despues di un robo na su kas. Den e komunikado iglesia katóliko ta bisa “Nos ta pidi Dios pa respetá e integridat i respetá bida”.
E dos atakenan di e pastornan a lanta preokupashon, apesar ku den otro kasonan prokuradornan di hustisia di e estado di Veracruz na kosta di Golfo di México a bisa ku e dos pastornan sekuestrá i asesiná djadumingu konosé nan atakantenan i a sinta bebe ku nan. Den e kaso ei tambe ta kere ku tabatin robo.
