WILLEMSTAD.- Un ratu pasa, korte di promé instansia a dikta sentensia den kaso di Gregory (Chayenne) Gonzales, Sheryl Emelina i Sergo Francillon. Ta trata di e kaso di soborno kontra di dos polis i tambe kontra di esun ku a soborná nan.
Fiskal a hasi demanda di 3 aña pa e agente polisial Gregory “Chayenne” Gonzales mas 5 aña for di su funshon komo polis, 3 aña pa agente Sheryl Emelina di kual 1 aña kondishonal, mas 5 aña for di su funshon komo polis i 2 aña pa Sergo Francillon ku ta sintando un kastigu di 10 aña pa duna òrdu pa kima edifisio di Ontvanger.
Wes a desviá for di e demanda i a sentensia e polis Emelina na 30 ora di trabou pa komunidat, 240 ora pa polis Gonzales i 2 aña di prisòn kondishonal pa Francillon. Wes no a sentensia e polisnan na kastigu for di nan trabou loke ta nifiká ku tur dos lo por ehekutá nan funshon bek den Kuerpo Polisial.