COLOMBO, SRI LANKA, AFP.- Presidente di Sri Lanka a revelá un gobièrnu nobo djaluna, sin dos di su rumannan i un subrino, meimei di un krísis ekonómiko históriko i ku manifestashonnan diario di e pueblo eksigiendo su retiro.
Presidente Gotabaya Rajapaksa ta enfrentando un reseshon sin presedente i su gobièrnu ta buskando un reskate di Fondo Monetario Internashonal (FMI).
Sinembargo, apesar di e anunsionan di gobièrnu, desénas di míles di persona a sigui manifestá djaluna den sede di presidensia, den kapital Colombia. Ta trata di e di dies dia di manifestashon pa pidi retiro di Rajapaksa.
Desénas di legislador di e partido ofisialista a bira lomba pa gobièrnu i oposishon a ninga tur invitashon pa uni e gobièrnu.
“E pueblo ta sufriendo pa motibu di e krísis ekonómiko i mi ta lamentá esaki profundamente”, asina e presidente a bisa den un deklarashon dilanti su gabinete nobo, konfesando ku Sri Lanka mester a pidi yudansa di FMI “masha dia”.
E gobièrnu nobo a mantené e mesun promé minister Mahinda Rajapaksa, ruman grandi di e presidente.
