HERUSALEM, AFP.- A lansa un rakèt den Israel desde e enklave Palestino di Gaza djaluna, kual a keda interseptá pa defensanan anti-rakèt, segun militar israelí.
No tabatin ningun indikashon di morto.
E insidente, e promé di su sorto desde yanüari, a sosodé despues di un wikènt di violensia paden i alrededor di moské Al-Aqsa, kual a laga 170 hende heridá, di kual mayoria tabata manifestantenan palestino.
E oumento di tenshon a koinsidí ku e luna santu di mòslemnan di Ramadan i e festival hudiu di Pasku.
Gobièrnu di Naftali Bennett a bisa vários biaha ku forsanan di seguridat tin “man liber” pa atendé ku e manifestantenan.