NEW YORK, USA (AFP).- E hues dje kaso históriko kontra di Donald Trump ayera e a menasá e eks presidente norteamerikano di lo mand’é prizòn den kaso ku e sigui violá e òrdu ku ta prohibié di papia malu públikamente di testigunan, dje hurado i personal di tribunal.
Na final dje kaso di ayera kontra e kandidato presidensial republikano pa e elekshon di novèmber, e fiskalnan a indiká ku mester di sigur dos siman mas pa skucha sobrá dje testigunan.
“M’a kere nan lo a kaba awe pero nan ke dos siman mas”, segun Trump na periodistanan, miéntras ku e ta insistí di ta víktima di “asuntunan elektoral”. “Mi mester ta hasiendo kampaña awor aki”, el a agregá.
Mas trempan, e hues instruktor dje kaso, Juan Merchan a imponé un multa nobo di 1.000 dollar, ku ta suma na otro sanshonnan di 9.000 dollar pa violashonnan nobo riba òrdu hudisial ku ta prohibí Trump pa referí na detayenan dje kaso riba su retnan sosial.
E magnate no a duda na kritiká e desishon: “Nos Konstitushon ta muchu mas importante. “Lo mi hasi sakrifisio ora ku esei ta nesesario”.
Den su desishon, hues a atvertí Trump ku debí ku esaki ta e di dies biaha ku tribunal a hañ’é kulpabel di no sigui su òrdunan, “ta parse ku e multanan no ta sufisiente pa e akusado komprondé ku e no por violá órdennan legal”.
“Ounke no ta mi deseo di imponé un sanshon di prizòn… mi ke pa bo komprondé ku lo mi hasi esei”, segun Merchan a atvertí e promé eks-presidente den historia di Merka ku ta sintá den banki di akusadonan.
