MOSCOW, RUSIA, AFP.- Presidente ruso, Vladimir Putin, a honra brigada 64 komo ‘héroe’, kual Ukrania ta akusá di a partisipá den supuesto abusunan kometé na Bucha, serka di Kiev.
Segun Kremlin, Putin a firma un dekreto ku ta konsedé título “honorario di ‘Guardia’ na e brigada, mirando “e determinashon i kurashi” di su efektivonan.
“E akshonnan desisivo di tur personal den e operashon militar na Ukrania, ta parti di e deber militar, balor, determinashon i gran profeshonalismo”, asina Putin a skibi na e militarnan.
Kremlin no a spesifiká unda e desplegá e sòldatnan ni kiko nan mishon tabata.
Ukrania a akusá ehérsito ruso, spesífikamente brigada 64 di a kometé un masakre kontra sivilnan na Bucha, kual a wòrdu deskubrí despues ku e sòldatnan ruso sali for di e área riba 30 di mart.
Rusia ta desmentí e vershon aki i ta akusá Ukrania i medionan oksidental di ta responsabel òf ta atribuí responsabilidat na e ukranianonan ku e intenshon di kulpa Moscow.