QUITO, AP.- E presidente ekuatoriano Lenin Moreno a reuní ku komersiantenan afektá pa protestanan resien i aktonan di vandalismo. El a proveé nan ku krédito pa e negoshinan wòrdu rekonstruí.
E mandatario a inisiá e dia bishitando algun negoshi sakiá pa manifestantenan kontra di e oumento di preis di kombustibel den sentro nort kapitalino i alrededor di parke El Arbolito, Asamblea i Kontraloria.
Moreno a bisa ku el a pone 16 mion dòler disponibel pa tur negoshi ku a wòrdu afektá. E negoshinan lo haña un fiansa di 10.000 dòler sin garante i 20.000 ku garante. E término a dies aña ku un interes di 8.9%.
E gobernante a bisa ku e akshonnan di vandalismo tabata obra di un gang ku a haña protekshon di eks presidente Rafael Correa.
E protestanan a kaba djadumingu, despues ku Moreno a kanselá e dekreto ku a kai den mal tera pa mayoria ekuatoriano.
