MOSCOW,AP.- Presidente venezolano a bishitá su homólogo ruso Vladimir Putin.
Papiando na komienso di su reunion na Kremlin, Putin a indiká ku “Venezuela ta pasando den momentunan difísil” i a elogiá Maduro pa “logra establesé algun tipo di komunikashon” ku forsanan di oposishon.
Oposishon venezolano ta insistí ku kualkier solushon pa e krísis polítiko i ekonómiko den e pais ta rekerí pa Maduro renunsia. Sin embargo, e mandatario sosialista no a duna señal di ta bai baha i ta akusá oponentenan di konspirá ku Merka pa destitui’é ku forsa.
Durante e reunion den Kremlin, Maduro a gradisí Putin pa e sosten diplomátiko, inkluyendo pa manda trigo.
Algun ora promé durante un konferensia riba energia na Moscow, Maduro a bisa na esnan presente ku su gobièrnu por negoshá pa restrukturashon di su debe di 1.000 mion dòler ku Rusia.
