MOSCOW, AP.- Presidente ruso Vladimir Putin a gradisí su kolega Donald Trump pa e informashon ku Washington a brinda, kual a yuda Rusia frustra un kantidat di atentado terorista riba dia di aña nobo, segun Kremlin.
Putin a gradisí Trump pa “e informashon transmití pa servisionan spesial ku a kontribuí pa impedí aktonan terorista na Rusia”, asina Kremlin a señalá den un komunikado kòrtiku publiká riba su página di internèt.
Danki na informashon di Merka, forsanan di seguridat ruso a detené dos ruso ku tabata preparando aktonan terorista na Saint Petersburg riba e di dos dia di aña nobo, segun e agensia di notisia estatal Tass ku a sita Servisio Federal di Seguridat.
Servisio di Seguridat a bisa ku a haña e informashon di “sosionan merikano” sin duna mas detaye. Outoridat a bisa ku a konfiská materialnan ku nan kier a usa pa prepará e aktonan terorista.
Kas Blanku no a duna ningun deklarashon riba e asuntu.
