LONDON, REINO UNI, AFP.- Reino Uni a anunsiá djadumingu ku lo destiná 768 mion euro pa infrastruktura na frontera. esaki ta pa prepará pa e periodo despues di Brexit na fin di aña.
E minister di Estado Michael Gove a sigurá ku e fronteranan “nobo” lo ta kompletamente kla pa 1 di yanüari, e periodo despues di e transishon di un aña di negosiashon pa determiná e relashon ku Union Europeo despues di Brexit.
E invershon aki ta inkluí gastu di personal i infrastruktura, i lo krea diferente base pa hasi e fronteranan mas efikas posibel pa aña 2025, asina Gove a indiká den un artíkulo publiká den Sunday Telegraph.
Den e siman di 20 di yüli lo tin un ròndu nobo di negosiashon ku UE na London. E gobièrnu a indiká ku lo lansa diferente kampaña di informashon pa tur empresa i personanan partikular entre otro.
