MOSCOW, RUSIA, AFP.- Rusia a okupá e puesto di e pais europeo ku ta reportá mas kaso di infekshon di COVID-19 diario djamars, registrando mas di 155.000 kaso di infekshon den e pais.
Moscow su sistema di metro a kuminsá bende masker i un representante di metro a bisa ku e medida aki posiblemente lo bira obligatorio. Vários mashin di benta den Rusia su stashonnan di metro a kuminsá ofresé masker i hanskun. Diessinku stashon mas lo instalá e mashinnan aki durante e próksimo dianan.
Moscow a kombertí den e episentro di e pandemia na Rusia. E siudat tin mas di mitar di e kantidat total di kaso di Coronavirus.
Ofisialnan di salú a anunsiá djamars ku a registrá 10.102 infekshon adishonal den e último 24 oranan, un disminushon di 531 kaso kompará ku e sifra di djadumingu. E kantidat total di infekshon di e Coronavirus nobo COVID-19 ta konsistí 155.370 víktima na Rusia.
