MAKASSAR, INDONESIA, AFP.- E saldo di morto kousa pa inundashonnan ku a afektá e isla indones Celebes desde djaluna a subi na 36 morto. Ekiponan di reskate ta buskando 66 persona pèrdí, ounke sin speransa ku esnan pèrdí ta bibu ainda.
Mas di 14.000 persona a wòrdu akohé pa sentronan ku ta duna refugio temporal den e region afektá Nort Luwu.
Na komienso di siman, áwaseru fuerte a kousa inundashon den tres riu. Desénas di kasnan, edifisio públiko i ofisinanan di gobièrnu ta kubrí ku lodo dor di esaki. E saldo di inundashon a oumentá na por lo ménos 36 morto, despues di a deskubrí kadavernan nobo segun indikashon di outoridat lokal. E lista di persona pèrdí a pasa di 20 pa mas di 60, segun e mesun fuente.
Na komienso di aña, áwaseru fuerte a provoká inundashon fuerte na Yakarta i alrededor riba Isla Java lagando kasi 70 persona.
