WASHINGTON, AP.- E sekretario di prensa den Kas Blanku, Sean Spicer, a renunsia su kargo djabièrnè, segun informashon na The Associated Press.
Un di e fuentenan a bisa ku Spicer a retirá debí ku e no ta di akuerdo ku e nombramentu di e direktor di Komunikashon nobo den kas Blanku, Anthony Scaramucci. E personanan ku sa di e desishon a pidi pa keda anónimo debí ku nan no ta outorisá pa papia di e tema públikamente.
Spicer a pasa vários aña enkabesando komunikashonnan den Komité Nashonal Republikano promé ku el a yuda Trump den elekshon general. E ta un hende yegá di sekretario general di Kas Blanku Reince Priebus, kende tabata presidente di e komité aki.
Priebus a bisa na The Associated Press ku e ta sostené Scaramucci 100% apesar ku e tabata sa di rumornan ku algun persona no tabata kier pa e ta na kargo den atministrashon.
Spicer i otro funshonarionan a kuestioná kontratashon di Scaramucci komo direktor di komunikashon promé ku e presidente a buska un reforma den sistema fiskal i otro temanan polítiko. Un di e funshonarionan a bisa ku Spicer a oponé kontra e idea di Trump den futuro asuntunan di prensa.
E renunsia di Spicer a los un esena kaótiko den sala di prensa di Kas Blanku paso periodistanan a reuní for di Sali pa buska mas detaye di su salida. Ainda presidensia mester anunsiá e ora di konferensia diario i ken lo enkabesá esaki.
