WILLEMSTAD – Selikor ta partisipá ku debí na e kandela ku a surgi ayera den oranan di anochi na e área di depositá shushi riba lènfel Malpais, awe trabounan ta kontinuá pa dominá e kandela i minimalisá eventual molèster.
Usuarionan di lèntfel lo wòrdu dirigí na un área alternativo pa depositá shushi i lo por eksperensiá algun tardansa. Pa esaki nos ta pidi komprenshon.
Selikor ta pidi tambe diskulpa na abitantenan i establesimentunan den e área pa e huma okashoná pa e kandela i ta duna garantia di ta trahando ku dedikashon pa aliviá e situashon.
====
WILLEMSTAD – Selikor ta partisipá ku djaweps, 4 di aprel, alrededor di 9:30 di anochi a drenta notifikashon di un kandela riba e parti sùit di lèntfel. Mesora a kuminsá tuma e akshonnan di prekoushon nesesario pa atendé ku e kandela den koperashon ku representantenan di Brantwer. Selikor a pidi komprenshon na abitantenan di e área ku lo por eksperensiá molèster di huma. Personal di Selikor den koperashon ku Brantwer lo sigui monitor e situashon di aserka pa minimalisá e molèster mas tantu posibel.
