WASHINGTON, MERKA, AFP.- Senado di Merka a aprobá ayera un lei ku ta protehá e matrimonio entre personanan di e mesun sekso den henter e pais, esaki dilanti di e temor di ku korte supremo lo revok’é meskos ku e derechi di aborto.
“Amor ta amor i e merikanonan mester por kasa ku e persona ku nan stima”, segun presidente Joe Biden den un komunikado. Kámara di representantenan ku a aprobá un teksto anterior mesun kos na yüli, awor mester bolbe vota riba e proposishon di lei modifiká, loke mester ta solamente un formalidat.
