WASHINGTON, AP.- E legislashon impulsa pa e senadornan demókrata ta eksigí pa e organisashonnan ku ta gasta shen di miónes di dòler pa anunsio di kampaña, pa revelá e nòmber di e dunadónan prinsipaliekantidatki nan ta gasta. Esaki a keda rechasá pa oposishon.
Senadornan republikano a evitá ku e demókratanan a alkansá e sifra di 60 voto nesesario pa e inisiativa pasa pa pleno kámara haltu. E votashon tabata di 51-44.
E Lei di Divulgashon di Gastu den Elekshonnan a keda aprobá na 2010 pa e Kámara di representantenan dominá pa e demókratanan e tempu ei. Pero esaki a keda blòkia di forma similar pa e republikanonan di senado. Nan ta bisa ku e inisiativa ta kontradesí e Enmienda konstitushonal.
Mitch McConnel, lider republikano di Senado a kusa e demókratanan di pè rdè t empu de n inisiativanan di Lei ku “nan sa ku lo no wòrdu aprobá pero lo duna nan chèns di arma un boroto riba e problema ku no ta eksistí”.
E Lei ku mester a drenta na vigor na yanüari, lo a rekerí pa kualkier organisashon ku ta gasta 10.000 dòler òf mas durante e siklo elektoral pa presentá un rapòrt den un plaso di 24 ora identifikando kualkier donante di 10.000 dòler òf mas.
E lei elektoral aktual ta eksigí pa superkomitenan di akshon polítiko o PAC pa hasi raportanan di periodo na e Komishon Federal Elektoral revelando fuentenan di gastunan relashoná ku elekshon.
