CAIRO, EGIPTO, AFP.- Un tribunal di Cairo a kondená sinku ‘influencer’ na dos aña di prizòn, deklará kulpabel pa ofensanan inmoral segun un fuente hudisial.
Mawada al Adham, Haneen Hossam i tres muhé mas a publiká vários video konsiderá inmoral riba TikTok. E sinku damanan ta detené.
Aparte di dos aña di prizòn, kada un mester paga un but di 16.000 euro segun e fuente hudisial. Nan por apelá e veredikto.
Hossam i Adham, detené den aprel i mei ta entre vários muhé influyente riba medionan sosial, i kritiká fuertemente pa outoridat den e último lunanan ku a pasa. Hossam tin 1,3 mion abonado riba TikTok i Adham tin 2 mion.
Egipto a introdusí leinan estrikto pa usa internèt desde 2018. E lei a enserá ku outoridat por blòkia kuenta di usuarionan ku mas di 5.000 abonado si e kuenta ta forma un menasa pa seguridat nashonal di e pais.
