PARAMARIBO.- Informashon ku EXTRA a risibí for di Sürnam ta indiká ku e presidente surinameño Desi Bouterse su situashon ta basta serio. Segun informashonnan risibí, lo a transportá e presidente pa Cuba. Ofisialnan di e gobièrnu di Bouterse mes no ta dunando muchu informashon riba e kaso.
Ta asina ku luna pasa Bouterse a biaha pa Cuba pa ayanan e hasi un operashon di hernia i segun e presidente su propio deklarashon tur kos a bai bon. Parse ku e presidente tabata konfrontá sierto problema ku su salu pa kua el a bai Cuba i a resultá ku ta hernia. Aya el a operá.
Manera indiká gobièrnu di Sürnam mes no ta dunando muchu informashon te na e momentunan aki. Amistatnan na Kòrsou tambe a konfirmá ku e situashon di salu di e presidente di Sürnam no ta muchu bon.
