MINSK, BELARUS, AFP.- Sentenáres di studiante a marcha den kayanan di Minsk djamars, na komienso di e aña akadémiko, denunsiando e poder outoritario di presidente Alexandre Lukashenko, konfrontá ya pa vários luna ku protestanan kontra su reelekshon konsiderá froudulento.
Por lo ménos 20 hóben, segun periodistanan di AFP i medionan di komunikashon lokal i ruso, a wòrdu detené pa agentenan polisial.
Lukashenko kende ta ninga di kombersá ku su opositornan, apesar di protestanan diario denunsiando ku e elekshon di 9 di ougùstùs tabata froudulento.
Te ainda, el a proponé ku lo revisá e konstitushon, i ta sigui haña sosten di Rusia.
Agentenan polisial a detené desénas di hóben ku a purba forma un kadena humano den sentro di e kapital di Belarus, dilanti e edifisio di KGB, kual ta e servisio di inteligensia.
E diplomátiko ruso Sergeui Lavrov ta haña e idea pa reformá konstitushon unu adekuá pa “organisá un diálogo ku e sosiedat sivil”.