WASHINGTON, MERKA, AFP.- Un hòmber irakí ku a buska asilo polítiko na Merka a konspirá pa mata èks presidente George W. Bush, segun departamento di Hustisia djamars.
Shibab Ahmed Shibab, 52, a bisa un informante di FBI ku e ke trese por lo ménos 4 irakí mas via frontera ku Mexico pa partisipá den e kòmplòt, segun un deklarashon di FBI presentá den korte federal na Columbus, Ohio.
Dos persona di e ekipo di e atake tabata èks agentenan di inteligensia irakí, i e otronan ta miembronan di Estado Islámiko.
Shibab a bisa e informante ku e ke mata Bush, kende a ordená e invashon di Irak na 2003, “pasó e ta sinti ku e ta responsabel pa morto di mayoria irakí i divishon den Irak”, segun e dokumento.
Shibab a keda arestá riba djamars mardugá i a keda akusá den un tribunal federal ku delito di inmigrashon i komplisidat den intento di asesinato di un èks funshonario merikano.
