KABUL, AFGANISTAN, AFP.- E grupo Taliban a dekretá un tregua di tres dia, dor di fiesta musulman Eid al Fitr kuminsando djabièrnè awor. E gobièrnu a duna òrdu pa forsanan di seguridat respetá e tregua aki.
E presidente afgano, Ashraf Ghani a deklará ku dentro di un siman lo kuminsá kombersá direktamente ku e talibannan.
Esaki ta e di dos tregua di e insurgentenan den mas di dos luna.
Sinembargo, e bosero Taliban Zabihullah Mujahid a afirmá den un komunikado ku su forsa armaá a ataká “nos lo ataká bèk”.
Ashraf Ghani a pidi e insurgentenan pa aseptá un “tregua permanente i kompleto” durante e kombersashonnan destiná pa pone fin na kasi 19 aña di guera den Afganistan.
Un akuerdo ku Merka a firma ku e grupo riba 29 di febrüari ta bisa ku tur forsa estranhero mester sali for di Afganistan den e próksimo lunanan, a kambio di vários akuerdo di seguridat di e insurgentenan.
E negosiashon mester a kuminsá na komienso di mart pero esaki a wòrdu aplasá dor di e situashon polítiko konfuso na Kabul i stankamentu den e proseso di interkambio di prizonero.
