SOUTH CAROLINA, AP.- Dos alumno i un maestro a resultá heridá den un atake ku tiru na un skol na South Carolina ayera atardi, asina outoridatnan a informá.
Nan a bisa ku un adolesente ta detené en konekshon ku e tiramentu. Poko promé algun unidat di polis a akudí na un skol básiko ku urgensia kaminda a reportá tiramentu. Sheila Cole funshonario polisial a bisa ku esaki a sosodé na Townville Elementary School den e kondado di Anderson ayera tardi. Segun un radio, helikòpternan a baha na e skol i algun alumno a keda evakuá pa un skol den serkania. E skol ta ubiká serka di e frontera ku e estado di Georgia..
