BERLIN, AP.- Diferente tormenta kompañá ku áwaseru i bientu fuerte a asotá partinan den e parti sentro nort di Europa, kual a afektá transporte riba tera i marítimo.
E operador di riel di Alemania, Deitsche Bahn, a sera vários ruta na nort na momentu ku e tormentanan tabata aserká, kual su bientu a yega 140 kilometer pa ora na kosta. E rafaganan di bientu a tumba palunan abou i a interumpí transporte públiko.
Djabièrnè, Deutsche Bahn a bisa ku su servisio di distansia largu entre Hamburg i Hannover i entre Hamburg i Bremen por reanudá, pero otro rutanan ta wòrdu interumpí.
Outoridat a atvertí ku áwaseru i bientu por afektá diferente parti di Polonia, partikularmente sentro i sùit di e pais.
Na Fransia, mas o ménos 1.600 persona a wòrdu desalohá den tres region na sùit debí na tormenta i inundashonnan.
Mas di 400 polis i bombero a partisipá den e evakuashonnan, ku yudansa di helikòpternan.
Barkunan krusero na Noruega a wòrdu kanselá i outoridat a duna atvertensia na ekskurshonistanan pa tene kuidou ku bientu fuerte.
