SAN DIEGO, AP.- Kuater persona a muri i nuebe a resultá heridá djasabra na momentu ku un pikòp a pèrdè kòntròl i kai desde un brùg di Coronado-Sanddiego riba un multitut ku tabata asistiendo un festival. Asina outoridat a informá.
E shofùr, ku tabata e úniko den e vehíkulo, a kai di 18 meter riba Chicano Park, segun agente Jake Sanchez di patruya di California. E shofùr a wòrdu transportá pa hospital i probablemente ta wòrdu detené. E ta wòrdu sospechá di tabata manehá bou di influensia di alkohòl, segun señalashon di e agente.
Outoridatnan a identifik’é komo Richard Anthony Sepolio, di 25 aña, un integrante di base naval di e isla di Coronado.
“E kos aki ta horibel. No tabatin personanan inosente bou di sospecho ku tabata dibertiendo i awor ta morto”. Asina Sanchez a deklará. Ocho persona a keda leshoná riba tera. Un a sufri di trouma i shete persona tabatin heridanan moderá, segun Lee Swanson, bosero di Departamento di Bombero i Reskate di e siudat.
