NASHON UNI, AP.- Den un diskurso den Asamblea General di Nashon Uni, presidente merikano Donald Trump a menasá ku “destrukshon total” di Norkorea si e pais no bandoná su programa di arma nuklear.
Trump, kende e eskalá e agresividat di su atvertensia den e krísis ku Pyongyang, a bisa ku “ta tempu pa e nashonnan rònt mundu konfrontá” Kim Jong Un i rekonosé ku e “búskeda di arma nuklear” di parti di Kim ta representá un menasa “rònt mundu, ku un pèrdida impensabel di bidanan humano”.
El a bisa di Merka: “Si nos wòrdu fòrsá pa defendé nos mes òf nos aliadonan, nos lo no tin ningun otro opshon ku destruí Norkorea totalmente”.
Trump kende a atvertí anteriormente ku e lo los “kandela i furia” si Pyongyang no para su ambishonnan nuklear. El a bisa ku “niun hende no a mustra mas despresio pa otro nashonnan i pa bienestar di su pueblo ku e régimen di Norkorea.
