WASHINGTON, AP.- Presidente Donald Trump a oumentá preshon i a invitá tur senador republikano pa un lùnch na Kas Blanku djárason. El a primintí ku e reforma di salá ta bai wòrdu mehorá den Kongreso, apesar di e frakaso di e medida di dianan anterior.
E republikanonan “MESTER kumpli ku su promesa den e pueblo merikano”, asina e mandatario a tweet.
E idea di Trump di invitá senadornan pa lùnch, ta similar na unu realisá den yüni despues ku McConnell a frakasá den su promé intento di laga e lei wòrdu aprobá.
E reforma di salú aprobá bou di presidensia di Obama kier a duna kobertura médiko na miónes di persona ku no tin e benefisio aki. Krítikonan a bisa ku e proposishon republikano kier duna ekstenshon na esnan riku, na kosto di personanan ku entrada abou ku lo tin ménos atenshon médiko.