WASHINGTON, AP.- Presidente Donald trump a hura un esfuerso inkansabel pa yuda Puerto Rico, kual ta rekuperando di e destrukshon di orkan Maria despues ku su direktor di Seguridat Nashonal a okashoná un tempestat dor di deklará ku e kontesta federal tabata “un bon historia notisiero”.
E sekretario interino di Seguridat Nashonal, Elaine Duke, a wòrdu krítika pa alkaldesa di San Juan pa aparentemente pone importansia riba e sufrimentu.
“Ora ku bo no tin kuminda pa un beibi, no ta nesesariamente un bon historia notisioso”, asina Carmen Yüli cruz a indiká, kende ta alkaldesa di e siudat mas grandi di e Isla.”esaki ta un historia kaminda hendenan ta muriendo.
Duke a bishitá e isla djabièrnè pa evaluá e daño i reuní ku funshonarionan lokal. Despues di a pidié su komentario djaweps, el a bisa: “Tin hopi mas ku nos mester hasi. Nunka nos lo ta satisfecho. Pero nos ta akinan”.
Trump a bisa ku Puerto Rico ta totalmente inkapas di lidia su so ku e katástrofe. “Nan ta traha hopi duru, pero nada no a keda”, asina el a bisa.
El a agregá ku tur departamento korespondiente di gobièrnu “ta totalmente komprometé ku e desaster, i e esfuerso di e kontesta i rekuperashon”.
