WASHINGTON, MERKA, AFP.- Presidente di Merka, Donald Trump a interumpí un rueda di prensa abruptamente djaluna den Kas Blanku. Despues di un ratu el a regresá pa anunsiá ku Servisio Sekreto a kaba di tira un persona aparentemente armá serka di Kas Blanku.
“E agentenan di servisio sekreto a tira un persona, posiblemente e sospechoso. E ta riba kaminda pa hospital”, asina Trump a bisa.
E situashon dilanti di Kas Blanku tabata trankil, pero un parti di e kayanan den serkania a wòrdu blòkia ku diferente polis i vehíkulonan ofisial kaminda e tiroteo a tuma lugá.
