WASHINGTON, AP.- Presidente Donald Trump a usa su poder di seguridat nashonal pa ninga asilo na migrantenan ku drenta Merka sin outorisashon. Esaki ta sera hasi e situashon difísil konforme e karavana sentroamerikano ta aserká Merka lentamente.
Trump a usa e mesun podernan ku el a usa pa restringí atmishon di siudadanonan di algun pais ku mayoria musulman. Esaki ta un medida ku a wòrdu ratifiká pa Korte Supremo. Leinan aktual ta dikta ku kualkier persona ta eligibel pa pidi asilo sin importá kon e persona drenta e pais.
“Nos mester di hende pa drenta nos pais, pero esaki mester sosodé di forma legal i nan mester tin mérito”, asina Trump a bisa djabièrnè miéntras e tabata prepará pa biaha pa Paris.
E medida a wòrdu motivá pa e karavananan di migrantenan sentroamerikano ku ta kana rumbo pa frontera, pero e lo wòrdu apliká riba tur persona ku wòrdu gará ilegalmente. No ta evidente si e migrantenan tin plania di krusa ilegalmente òf presentá nan petishon pa haña asilo.
E dekreto ta e medida mas resien di e postura severo di Trump kontra imigrashon atraves di kambionan regulatorio i òrdunan presidensial den Kongreso. Sinembargo, e esfuersonan a wòrdu frustrá pa desafionan legal i e separashon di famianan e aña aki.
