BRUSELAS, BÈLGIKA, AFP.- Dirigentenan di UE i e promé minister indio a bai di akuerdo pa desaroyá lasonan komersial ku otro pa enfrentá e krísis ekonómiko kousa pa e pandemia di COVID-19 i e tenshon kresiente ku China.
E presidentenan di e institushonnan europeo, Charles Michel i Ursula von der Leyen a entrevistá Narendra Modi den un konferensia virtual i a inisiá e kombersashonnan na nivel ministerial.
E interkambio bilateral a alkansá 115.000 mion dòler na aña 2019, pero e negosiashonnan pa konkluí un akuerdo komersial preferensial no a progresá muchu.
India ta defendé su derechi pa hasi negoshi independiente di tur regla mundial, pero UE kier standardnan mas estrikto pa esaki. Apesar di e diskrepansia, ámbos pais ta interesá pa enfrentá China segun analistanan.
