BOGOTA, AP.- Un grupo di piloto di e aerolínea kolombiano Avianca a pone fin na un wèlga di 51 dia despues di mediashon di Defensor di Pueblo, apesar di no a yega na un akuerdo ku e empresa riba mehorashonnan salarial.
E kapitan, Jaime Hernandez, presidente di e Asosiashon Kolombiano di Aviador Sivil ku ta kontené 700 di e mas di 1.300 pilotonan di e kompania, a bisa ku “nos a disidí pa kuminsá ku trabou bèk desde próksimo djaluna pa evitá e troumatismo generá pa e direktiva di Avianca debí ku no por a yega na un akuerdo”.
El agregá ku e pilotonan lo sigui “e kamindanan hurídiko i hudisial, pa defendé e legalidat di e wèlga”.
Durante e paro di aktividatnan den e wèlga, e pilotonan den wèlga reuní ku e maneho di Avianca na vários okashon i tambe ku boseronan di gobièrnu di presidente Juan Manuel Santos pero no a logra yega na un akuerdo riba un oumento den salario. Den último enkuentronan nan a disidí pa pidi mediashon di Defensor.
E defensor Carlos Negret a bisa ku despues di un reunion di vários ora a firma un akto kaminda e pilotonan a komprometé na reinisio su aktividatnan otro siman. Ningun maneho di Avianca a partisipá den e reunionnan entre Defensor i pilotonan den wèlga.
