CARACAS, AP.- E gobièrnu venezolano lo proponé pa liberá e rekursonan di Estado den eksterior pa usa esaki den salubridat. E proposishon lo wòrdu hasi durante e siguiente reunion ku oposishon na Oslo, Noruega.
Maduro a hasi e anunsio durante un akto den e palasio presidensial kaminda el a denunsia ku e “blokeo” den eksterior i sanshonnan imponé kontra e korporashon di petroli estatal di parti di Merka a impedí e pais di hasi pagonan pa realisá diferente tratamentu médiko. El a informá tokante aktivashon di un plan estatal di atenshon “na e víktimanan di e guera ekonómiko” i pa manda kuater mucha ku ta padesé di un enfermedat Cuba pa nan haña tratamentu médiko riba e isla karibense.
E kombersashonnan a terminá sin un akuerdo pero ku ámbos parti dispuesto na sigui buska un solushon pa e krísis ku den e pais suramerikano. E delegadonan di ámbos parti a biaha pa Noruega den luna di mei pa tene e promé reunion eksploratorio pa un proseso di diálogo.
